Sun Kil Moon

Um viðburðinn

Bandaríska hljómsveitin Sun Kil Moon kemur fram á tónleikum í Fríkirkjunni í Reykjavík föstudagskvöldið 28.nóvember nk. 
Sun Kil Moon er hugarfóstur söngvarans og gítarleikarans Mark Kozelek sem áður hafði gert garðinn frægan með hljómsveit sinni Red House Painters. 
Sun Kil Moon hefur sent frá sér sex breiðskífur í fullri lengd frá stofnun sveitarinnar árið 2002 og hefur sú nýjasta, Benji, fengið ótrúlegar viðtökur. Er platan m.a. talin ein besta plata ársins 2014. Auk þess hefur sveitin einnig sent frá sér gífurlegan fjölda minni platna og Kozelek átt í samstarfi við The Album Leaf, Bonnie Prince Billy og fleiri og leikið í einstaka kvikmyndum þ.a.m. Almost Famous og Vanilla Sky ásamt því að senda frá sér gríðarlegt magn af hans eigin lögum og ábreiðum. Einnig er jólaplata væntanleg frá söngvaranum. 
Ásamt Mark Kozelek stíga nokkrir heimsfrægir listamenn á svið þetta kvöld og mynda Sun Kil Moon. 
Verður þetta fyrsta heimsókn Sun Kil Moon til Íslands og má búast við einstaklega huggulegu kvöldi í Fríkirkjjunni þann 28.nóvember nk. 

Vinsamlegast athugið

Allar hljóð - og myndbandsupptökur með öllu óheimilaðar. Einnig er öll meðferð áfengis og annarra vímuefna stranglega bönnuð innan Fríkirkjunnar.