Ben Frost | Widening Gyre

Um viðburðinn

Ben Frost kemur fram í fyrsta sinn í Mengi næstkomandi föstudag.

Takmarkað sætaframboð er á þessa einstöku tónleika.

Widening Gyre er tónleikaútgáfa plötunnar The Centre Cannot Hold sem kom út árið 2017. Þá hefur Ben hannað hljóðrýmið eins og unnið var að plötunni í stúdíói. Áhorfandinn situr inni í miðri hringiðu fjölpunkta hljóðumhverfis sem skilar sér í áhrifamikilli upplifun sem örvar skilningarvitin.

Ástralinn og Íslendingurinn Ben Frost hefur búið hér og starfað frá aldamótum. Hann er stofnandi útgáfufyrirtækisins Bedroom Community ásamt upptökustjóranum og tónskáldinu Valgeiri Sigurðssyni. Hann hefur gefið út plötur hjá Room40, Mute Records sem og Bedroom Community og hafa þær allar vakið mikla athygli og gagnrýnendur hlaðið þær lofi. Frost starfaði sem lærlingur breska upptökustjórans og frumkvöðulsins Brians Eno í eitt ár í kjölfar Rolex Arts viðurkenningar sem hann hlaut árið 2010. Frost hefur samið tónlist fyrir ýmsar kvikmyndir, þýsku Netflix þættina Dark og bresku sjónvarpsseríuna Fortitude sem voru tekin var upp á Íslandi.