Ensími - Kafbátamúsik 20 ára útgáfuafmæli

Um viðburðinn

Árið 1998 kom út fyrsta plata þá óþekktrar hljómsveitar að nafni Ensími. Platan fékk heitið Kafbátamúsík og varð fljótlega mjög áberandi í Íslensku tónlistarlífi. Lög eins og Gaur, Arpeggiator og Atari urðu vinsæl á öldum ljósvaka en það síðastnefnda var valið lag árins á Íslensku tónlistarverðlaununum og hljómsveitin einnig sem nýliði ársins.

Kafbátamúsík hefur lifað góðu lífi en verið ófáanleg í geisladiska formi (cd) í mörg ár. Það er því gleðiefni að nú sé hún fáanleg á vínyl formi á öllum helstu sölustöðum sem selja plötur.

Í tilefni 20 ára útgáfu afmælisins mun Ensími leika Kafbátamúsík í heild sinni í Iðnó 14 - 15. mars og Græna hattinum 16. mars. Einnig mun sveitin leika vel valin lög af farsælum útgáfu ferli sveitarinnar og jafnvel frumflytja ný lög af væntanlegri breiðskífu.