Jónas Sig - Útgáfutónleikaröð

Um viðburðinn

Jónas Sig sendir frá sér sína fjórðu sólóplötu í nóvember og ætlar að því tilefni að leggja land undir fót ásamt hljómsveit sinni. 

Platan heitir Milda hjartað og mun Sena gefa hana út. 

Í tónleikaröðinni verða fjölmargir staðir út um allt land heimsóttir, t.d. Siglufjörður, Akureyri, Dalvík, Rif, Seyðisfjörður, Þorlákshöfn, Egilsstaðir og svona mætti lengi telja, en miðasalan fer fram á midi.is.

Samhliða plötunni gefur Jónas einnig út bók með textum laganna ásamt heimspekilegum hugleiðingum sínum sem geta farið út í geim og til baka!

„En þá var þessi hugmynd um milda hjartað komin í mig og lét mig ekki vera. Þessi hugmynd að gera plötu sem væri meira klassísk, „singer/songwriter“ eins og maður slettir. Lög sem þú getur spilað á kassagítar. Lög sem væru flutt af hljómsveit og gamaldags fílingur eins og verið sé að djamma. Svolítið í anda þess sem Bob Dylan gerði með The Band og síðan auðvitað trommu, bassa, fönk stemmning í anda James Brown. Bræða þessu saman við einlægni og hlýju, blandað saman við von. Það er milda hjartað.“

Dagsetningar:

11. nóv Midgard Hvolsevlli
14. nóv Frystiklefinn Rifi
17. nóv Havarí Berufirði
18. nóv Valaskjálf Egilsstaðir
22. nóv Fish House Grindavík
29. nóv Græni hatturinn Akureyri
30. nóv Segull Siglufirði
1.   des Bíóhöllin Akranesi
23. des Gamla bíó Reykjavík