U21 Karla - EM 2011

Um viðburðinn

Frábær árangur strákanna í U21 landsliðinu hefur ekki farið framhjá neinum en liðið á nú möguleika á því að tryggja sér sæti í úrslitakeppni EM sem fer fram í Danmörku á næsta ári. Framundan eru tveir leikir við Skota sem skera út um það hvort liðið kemst áfram.

Fyrri leikurinn fer fram hér á Laugardalsvelli, fimmtudaginn 7. október og hefst hann kl. 19:00. Miðasala er nú hafin á leikinn og er miðaverð 1.000 krónur fyrir fullorðna en ókeypis er inn fyrir 16 ára og yngri.

Stuðningur áhorfenda getur skipt sköpum í þessum leik því mikilvægt er að ná góðum úrslitum í fyrri leiknum því erfiður útileikur er svo framundan í Edinborg, mánudaginn 11. október. Strákarnir eiga svo sannarlega stuðninginn skilið, fjölmennum í Laugardalinn og látum vel í okkur heyra.

Styðjum strákana okkar!  Áfram Ísland!

Verð:
Fullorðnir: 1.000 kr
16 ára og yngri: frítt