A landslið karla - Vináttuleikur

Um viðburðinn

Miðasala hafin á vináttulandsleik Íslands og Eistlands 4. júní

Ísland tekur á móti Eistlandi í vináttulandsleik á Laugardalsvelli, miðvikudaginn 4. júní kl. 19:15.  Þetta er í fjórða skiptið sem þessar þjóðir mætast hjá A landsliði karla og hafa Íslendingar haft tvisvar sinnum betur en Eistlendingar einu sinni.

Þetta er síðasti heimaleikur Íslands áður en undankeppni EM 2016 hefst en þar byrja íslensku strákarnir leik gegn Tyrkjum á heimavelli, 9. september.  Miðaverði á þennan vináttulandsleik er stillt mjög í hóf og eru landsmenn hvattir til þess að tryggja sér miða í tíma og styðja strákana.

Forsala á leikinn er nú hafin og er minnt á að forsöluafsláttur er 500 krónur af fullu verði og enn fremur 50% afsláttur af fullu verði  fyrir 16 ára og yngri.

Áfram Ísland!

Verð (í forsölu til og með 3. júní):
Rautt Svæði, 3.000 kr (2.500 í forsölu)
Blátt Svæði, 2.500 kr (2.000 í forsölu)
Grænt Svæði, 1.500 kr (1.000 í forsölu)

ATH 50% afsláttur er fyrir börn, 16 ára og yngri. (afsláttur reiknaður frá fullu verði)

Vinsamlegast athugið

Íbúar utan Íslands verða að leita til viðkomandi knattspyrnusambands eftir miðum. Skv. reglum UEFA og FIFA verður Knattspyrnusamband Íslands að hafa strangt eftirlit með miðasölu og af þeim sökum hefur verið ákveðið að selja ekki miða til aðila utan Íslands í gegnum netsölu. Jafnframt er skýrt að sala og notkun miða er aðeins ætluð þeim sem kaupir miðann og öll sala til þriðja aðila er stranglega bönnuð og ógildir miðann. Hámark miðakaupa eru 8 miðar.