Grænn Apríl

Um viðburðinn

Grænn Apríl - Dagur Jarðar 2013
Einstakur alþjóðlegur viðburður þar sem fagnað er DEGI JARÐAR.

Þema dagsins er „Birting loftslagsbreytinga“ og um það verður fjallað í  stuttum fyrirlestrum af okkar færustu vísindamönnum.

Fyrirlesarar eru:
Dr. Tómas Jóhannesson, Jarðeðlisfræðingur hjá Veðurstofu Íslands – Áhrif loftslagsbreytinga á veðurfar.
Dr. Guðfinna Aðalgeirsdóttir, dósent við Jarðvísindadeild Háskóla Íslands – Áhrif loftslagsbreytinga á jökla og hækkun sjávarstöðu.
Dr. Bjarni Diðrik Sigurðarson, prófessor og brautarstjóri skógfræði og landgræðslu við Landbúnaðarháskóla Íslands – Skógar og loftslagsbreytingar: hver er tengingin?
Dr. Jón Ólafsson, prófessor við Jarðvísindadeild Háskóla Íslands – Súrnun sjávar.
Dr.Kristín Vala Ragnarsdóttir, prófessor við Jarðvísindadeild Háskóla Íslands – Verndun jarðvegs.
Dr. Harald J. Sverdrup, verkfræðingur og Frumkvöðull Ársins 2012 í Noregi – Tenging auðlinda og auðs.

Inn á milli fyrirlestra verða sýnd myndbönd þar sem spurt er; "Hvað er smart við að vera umhverfisvænn?" ásamt myndasýningu Gunnars V. Andréssonar, ljósmyndara af náttúruperlum Íslands.

Auk þess mun tónlistarfólkið Torgeir Vassvik, Friðrik Karlsson og Íris Lind Verudóttir koma fram.

Kynningar á vöru og þjónustu sem er græn og umhverfisvæn í anddyri Háskólabíós frá kl. 13:00. Miðaverð í forsölu til 19.apríl er  990 krónur eftir það 1.290 krónur. Allur ágóði af viðburðinum rennur til skógræktarátaksins APRÍLSKÓGAR 2013.

Styrktaraðilar Græns Apríls  á Degi Jarðar 2013 eru:
Umhverfisráðuneytið, Reykjavíkurborg, Tryggingamiðstöðin, OLIS, 365 miðlar og Icelandair Hotel Reykjavik Natura

Það eru félagasamtökin Grænn Apríl sem standa fyrir Degi Jarðar 2013