BJÓRHLAUP RVK 2019

Um viðburðinn

Taktu þátt í Bjórhlaupi RVK Brewing Co, örugglega eftirminnilegasta hlaupi sumarsins.  

Bjórhlaupið byrjar og endar í Nauthólsvík.
Svæðið opnar kl. 15:00 og hlaupið verður af stað klukkan 16:00. 

1.6 Kílómetrar. Þrjár alvöru drykkjarstöðvar. Eitt allsherjar gaman.

Hlaupin verður bjórmíla, sem er nálægt 1,6 kílómetrum. Þrjár drykkjarstöðvar eru í hlaupinu og verða keppendur að ljúka einum bjór á hverri stöð.
Keppnis bjórinn er léttur og ferskur og bruggaður sérstaklega fyrir hlaupið.

Þau sem náð hafa 20 ára aldri og eru ekki á bíl geta tekið þátt í bjórhlaupinu. Þátttakan er allt sem skiptir máli, og að hafa gaman. 
Til að hlaupa til sigurs þarf að finna hið fullkomna jafnvægi milli hlaupaforms og hæfileikans til að innbyrða vökva á stuttum tíma.

INNIFALIÐ Í VERÐI: HLAUPABOLUR, ÞRÍR BJÓRAR. TÍMATAKA. FRÁBÆR SKEMMTUN. 

Hlaupagögn má sækja í Bruggstofu RVK í Skipholti 31 milli 16 og 20 dagana 17 til 20 september.
Þau sem vilja ekki tímatöku geta valið um að taka ekki tímatökuflögu, en enginn fær bjór á drykkjarstöðvum nema að hafa númer.

Við mælum auðvitað með því að allir taki strætó. Bílastæði fyrir vini og áhangendur eru næg í Nauthólsvík og við Háskólann í Reykjavík.
Hægt verður að hvetja keppendur meðfram allri hlaupaleiðinni.  

Skráning verð kr 5500, inniheldur frábæra skemmtun, þrjá keppnisbjóra, tímatöku og glæsilegan hlaupabol frá RVK Brewing Co.

Veljið stærð hlaupabols  S M L XL

RVK BREWING CO.

RVK Brewing Co. er skapandi örbrugghús mitt í hjarta Reykjavíkur sem hóf starfsemi um mitt árið 2017. 
Í bruggstofu okkar í Skipholti 31 geta gestir bragðað á margvíslegum bjórtegundum ferskum úr brugghúsi.
Við leggjum metnað og kraft í að framleiða vandaðan bjór og auðga íslenska bjórmenningu með gæðum, fjölbreytni og sköpunargleði.
Undraheimur bjórstíla er margþættur, stór og blæbrigðaríkur og við erum rétt að byrja.