The Color Run 2019

Um viðburðinn

5 ára afmælishátíð The Color Run á Íslandi!

The Color Run er ekkert venjulegt hlaup heldur óviðjafnanleg upplifun og fullkomin fjölskylduskemmtun sem kemur til Reykjavíkur fimmta árið í röð þann 1. júní 2019. Fyrir mörgum fjölskyldum er litahlaupið upphafið á sumrinu þar sem hlaupið hefur ávallt farið fram í byrjun júní og oftar en ekki hefur verið uppselt í hlaupið. Í ár verður haldið upp á afmælið með pompi og pragt. Taktu þátt í litríkasta og skemmtilegasta viðburði ársins. 

Litur + Hlaup = Hátíð!

Þetta snýst ekki um að hlaupa 5 kílómetra á sem skemmstum tíma heldur að hlaupa á þeim hraða og tíma sem þér finnst hæfilegt og gaman. The Color Run er nefnilega ekki kapphlaup heldur hlaup þar sem þúsundir þátttakenda skemmta sér konunglega á meðan þeir verða hjúpaðir lit frá toppi til táar. Í lok hvers kílómetra er hlaupið í gegnum litastöð með tónlist, skemmtun og nýjum lit og við endamarkið keyrir allt um koll með risavaxinni endamarkshátíð þar sem litadýrðin verður gerð ógleymanleg upplifun. Þetta verða hamingjusömustu og skemmtilegustu 5 kílómetrar sumarsins!

Allir hlaupa með

The Color Run er fyrir alla, konur með hár og kalla með skalla, allt frá 2ja ára til 80 ára (jafnvel 102 ára). Sumir hlaupa til að koma í gang betri lífsstíl á skemmtilegan hátt á meðan aðrir hlaupa bara til að skemmta sér með vinum sínum. Þátttakendur geta hlaupið einir sér eða í smærri hópum og sumir hlaupa með ákveðinn tilgang. Hvort sem þú ert gamall brokkari eða afreksíþróttamaður þá mun The Color Run verða eftirminnilegustu og litríkustu 5km í þínu lífi!

Svona fer hlaupið fram

Sem litahlaupari í The Color Run verður þú, ásamt þúsundum annarra þátttakenda, lituð/aður frá toppi til táar við hvern kílómetra sem þú klárar. Í hverju litahliði verður tekið á móti þér með tónlist, skemmtun og nýjum lit.

Þetta snýst ekki um að klára hlaupið á sem skemmstum tíma heldur að hafa gaman og njóta þess að taka þátt. Það mun enginn vinna hlaupið því það er engin tímataka. Þvert á móti hvetjum við alla til að taka sér tíma í að fara í gegnum alla litabrautina og njóta upplifunarinnar.

Með aðeins tvær leikreglur geta allir verið með í The Color Run:

1. Þú skalt vera í hvítum bol þegar þú byrjar!
2. Þú verður litabomba þegar þú kemur í endamarkið! 

Við endamarkið verður síðan epískt litapartý, skemmtidagskrá, stuð og stemning fyrir framan sviðið.

Ert þú klár í hamingjusömustu 5 kílómetra lífs þíns?

The Color Run var fyrsta litahlaupið í heiminum og var fyrst hlaupið árið 2012 í Phoenix, Arizona og var það Bandaríkjamaðurinn Travis Snyder sem kom þessu hlaupi á laggirnar til að hvetja bæði atvinnu- og áhugahlaupara til að hlaupa saman til gamans. Hlaupið hefur farið sigurför um heiminn því um er að ræða einstakan fjölskylduviðburð sem haldinn hefur verið í meira en 40 löndum og tvær milljónir manna hafa tekið þátt. Í dag er þetta stærsta viðburðaröð í heimi og er The Color Run orðið tröllvaxinn viðburður.

Hlaupið var haldið í fyrsta sinn á Íslandi árið 2015 og var uppselt í hlaupið með um það bil 10.000 manns í gleðinni og ári síðar var aftur uppselt með 12.000 þátttakendur í litríkasta viðburði ársins. Enn var uppselt í The Color Run í Reykjavík árið 2017. Í ár fer hlaupið fram þann 1. júní í Reykjavík.

Á hverju ári er ákveðið þema í litahlaupinu. Árið 2015 var þemað Shine, 2016 var það Tropicolor, Dream Tour árið 2017, Hero Tour árið 2018 og í ár kemur Love Tour til Íslands.

Það borgar sig að kaupa miða snemma

Miðaverð í hlaupin í ár fer stighækkandi eftir því sem nær dregur hlaupi þannig að það borgar sig að kaupa miða snemma með verulegum afslætti frá almennu miðaverði. 

Ath. Frítt fyrir börn fædd árið 2011 og síðar í fylgd með fullorðnum.

Miðaverð:

1. desember til 7. janúar: 3.000 kr. (40% afsláttur)
8. janúar til 4. febrúar: 3.500 kr. (30% afsláttur)
5. febrúar til 4. mars: 4.000 kr. (20% afsláttur)
5. mars til 6. maí: 4.500 kr. (10% afsláttur)
7. maí til 1. júní: 5.000 kr. (almennt verð)

Smelltu á myndina hér að neðan til að kaupa gjafakort í The Color Run 2019

Gjafakort

Vinsamlegast athugið að með því að kaupa miða samþykkir þú skilmála The Color Run.

Skilmálar The Color Run